Тарих — ҳаёт такрорлардан иборат экани ҳақида сабоқ берувчи энг яхши устоз; ҳар кунлик бу сабоқлардан доим ҳам вақтида ва тўғри хулосалар чиқарилмаса-да, тарих барибир беқиёс устозлигича қолаверади.
Ўзбекистон ва жаҳоннинг бундан 90, 60 ва 30 йил аввалги манзарасига ўзбек матбуоти кўзи билан имкон қадар назар солиш ҳам қизиқ, ҳам фойдали кўринди. Ўн йиллар муқаддам айнан бугунги санада нималар бўлган, давр матбуоти улар ҳақида нима деб ёзган, ушбу воқеа-ҳодисаларга жамоатчиликнинг муносабати қандай эди — бари «Кун матбуоти тарихи» рукни материалларида.1962 йилги Тошкент манзаралари.
90 йил аввал. 1932 йил 27 июнь, душанба
«Қизил Ўзбекистон» газетасида босилган «Олиб-сотарларга зарба берилсин» хабаридан парча: «Қўйни олган эски қўйфуруш Аҳмедбоев қўзини сотган Наврўзбоевнинг кўз олдида 150 сўмлик қўзини 185 сўмга сотди. Бир дафъада 35 сўм нақд фойда».
90 йил аввалги, лекин таниш муаммолар, сарлавҳаданоқ ҳаммаси тушунарли: «Талабалар ётоқхона билан таъминлансин».
Ўзбекистоннинг гигант ишлаб чиқариш қувватларидан бири — Қувасой цемент заводининг 1932 йилги умумий кўриниши.
60 йил аввал. 1962 йил 27 июнь, пайшанба
Ўзбекистон парламентининг куни кеча очилган навбатдаги сессиясида ҳукумат раиси ўринбосари Сарвар Азимов мактаблар тўғрисидаги қонуннинг бажаралиши тўғрисида маъруза қилганди. Унинг маърузаси юзасидан, жумладан, Ўзбекистон раҳбари Шароф Рашидов ҳам фикр билдирган. У, биринчи галда, нима учун аксарият ўзбекистонлик ўқувчилар «3» баҳога ўқиётганини тушунтирган:
Шунингдек, Шароф Рашидов Ўзбекистондаги «ҳамма мактабларни бир сменага кўчиришни олдимизга мақсад қилиб қўйишимиз ва шу мақсадни амалга ошириш учун қатъий ҳаракат қилмоғимиз зарур»лигини таъкидлаган.
Юқори Чирчиқ туманидаги Свердлов номли колхоз давлатга ғалла сотиш планини Ўзбекистонда биринчи бўлиб бажарган:
Ўзбекистоннинг гигант ишлаб чиқариш корхоналаридан бири — Оҳангарон цемент заводида катта тантана бўлиб ўтган, унда Ўзбекистон раҳбари Шароф Рашидов ҳам қатнашган.
30 йил аввал. 1992 йил 27 июнь, шанба
1992 йил январь ойида Тошкентдаги Талабалар шаҳарчасида рўй берган воқеалар бўйича Ўзбекистон парламенти Раёсати тузган республика ва депутатлар комиссияларининг ахбороти матбуотда эълон қилинган. Унда воқеа нима сабабдан келиб чиққани умумий айтиб ўтилган:
Таниқли драматург ва публицист Абдуқаҳҳор Иброҳимов «Ўзбекистон овози» газетасига тақдим этган «Давлат тафаккури йўлида» сарлавҳали катта мақоласида талабалар исёнидан сўнг мактабларда кузатилаётган бир ҳолатни изоҳлаб ўтган:
Келесда кузатилган тошқин ва ундан кейин олиб борилган ишлар ҳақида:
Ўзбекистон халқ ёзувчиси Мирмуҳсин Россия матбуоти ва Ўзбекистондаги русийзабон нашрларнинг аксарият ҳолларда асоссиз, бирёқлама чиқишларига жавобан «Жонга тегди» сарлавҳали мақола билан чиқиш қилган:
Изоҳ (0)