Ижтимоий тармоқда Lacetti автомобили ҳайдовчиси хавфли манёврлар билан ҳаракатлангани ҳамда ушбу автомобилда бўлган йўловчи транспорт воситасининг том қисми (люки)дан тана қисмини чиқаргани акс этган видео тарқалди. Йўл ҳаракати хавфсизлиги бошқармаси ҳолатга муносабат билдирди.
Қайд этилишича, ҳолат Тошкент шаҳар ЙҲХБ ходимлари томонидан ўрганилган. Ушбу автомобиль ҳайдовчиси О.Р. (2002 йилда туғилган) ҳамда йўловчиси М.А. (2004 йилда туғилган)га нисбатан тегишли тартибда маъмурий баённома расмийлаштирилган.
Аввалроқ Самарқандда Nexia’ни хавфли манёврлар қилиб бошқарган ҳайдовчи жавобгарликка тортилгани, Самарқандда Nexia’га сирена ўрнатиб, фуқаролар тинчини бузган ҳайдовчига чора кўрилгани, Тошкентда хавфли манёврлар қилиб, Lacetti’ни орқамача бошқарган ҳайдовчи жавобгарликка тортилгани ҳақида хабар берилган.
Изоҳ (0)