UzAuto Ўзбекистон истеъмолчилари учун энг яхши маҳсулотни яратиш ва уларнинг эҳтиёжларини аниқлаш мақсадида, Хитойнинг BYD компанияси билан ҳамкорликда Car Clinic – тадқиқот лойиҳасини ўтказишни бошлади. Унда потенциал харидорларнинг янги энергия манбалари бўйича автомобилларни қабул қилиши ўрганилади.
UzAuto бозорга автомобилларни олиб кирилишида дастлаб истеъмолчиларнинг фикрини ўрганиш анъанага айланди. Бу ўз навбатида, компаниянинг барча маҳсулотларини маҳаллий шароит ва афзалликларга мослаштиради.
Истеъмолчилар эҳтиёжларини аниқлаш мақсадида, BYD автомобиль моделларининг плагинли гибрид электромобиллари (PHEV) прототиплар сифатида тақдим этилди.
Car Clinic иштирокчилари тақдим этилган моделларнинг техник хусусиятлари орасида BYD томонидан ишлаб чиқарилган портлаш ва ёнғинга чидамли Blade Battery аккумуляторларининг мавжудлигини қайд этишди.
Бу аккумулятор тўлиқ заряд ва тўлиқ ёқилғи бакида 100 километр учун атиги 3,8 – 4,5 литр ёқилғи сарфи билан 1 200 километргача масофани босиб ўтишга имкон беради. Тезлашув вақти 100 километр/соатга 7,3 – 7,9 сонияни ташкил этади.
Таъкидлаш жоизки, Хитойда автомобилнинг биринчи эгалари учун унинг асосий қисмлари (аккумулятор, двигатель ва электрон бошқарув тизими)га умрбод кафолат берилади. Автомобиль кафолати 6 йил ёки 150 000 километр бўлиб, бу эса автомобилнинг юқори ишончлилигидан далолат беради.
Барча учун алоҳида ижобий факт бу турдаги автомобилларни бошқаришнинг тежамкорлиги бўлди – тахминларга кўра, PHEVнинг йиллик эксплуатация харажатлари бошқа автомобилларга қараганда 400 долларга кам.
Ақлли бошқарув тизими ва 360° камераларнинг мавжудлиги автомобилни телефон орқали бошқариш, шунингдек, унинг жойлашувини, камералардан олинган маълумотларни, ёқилғи сарфини, иситиш ва совутиш тизими ва бошқа бир қатор тизимларни бошқариш имконини беради.
Буларнинг барчаси, замонавий автомобиль дизайни билан бир қаторда, шунингдек, катта дисплей (текисликда 90 градусга кенгайтириш имконияти мавжуд), адаптив круиз-контроль, йўналишни бошқариш, ҳавони тозалаш тизими, симсиз зарядлаш ва бошқа кўплаб функционал имкониятларнинг мавжудлиги, футуристик дисклари билан BYD автомобилларини сотиб олиш учун энг функционал ва мақбуллардан бирига айлантиради.
Ўзбекистонда янги энергия манбаларида автомобиль ишлаб чиқарилишини йўлга қўйиш режалаштирилганлиги муносабати билан, ушбу автомобиллар тадбир қатнашчилари томонидан кўздан кечириш билан бирга, Test drive ҳам ўтказилди, ҳамда синовдан ўтаётган моделлардан истеъмолчиларнинг кўнгиллари тўлгани ёки камчиликлари борасида: автомобиль дизайни, қулайлиги ва бошқа кўплаб жиҳатларини ўрганишга қаратилган махсус сўровнома ўтказилди.
Car clinic усули сифатли тадқиқотларни, автомобилларнинг статистик ва динамик тестларини, шунингдек, сўровномаларни ўз ичига олган.
Тадқиқотнинг мақсадли аудиторияси анъанавий ёқилғили автомобиль ва электромобиль эгалари бўлиб, келажакда оптимал конфигурациянинг зарур имкониятлари ва хусусиятларини батафсил аниқлашга имкон беради. Иштирокчилардан олинган сўровномалар натижаси Ўзбекистонда серияли ишлаб чиқарилиши кутилаётган автомобилларга ўзгартириш ва қўшимчалар киритилишига қаратилади.
Эслатиб ўтамиз, жорий йилнинг февраль ойида UzAuto ва Хитойнинг энг йирик электромобиль ишлаб чиқарувчи компанияси BYD ўртасида ўзаро ҳамкорлик қилишга келишилди. Ҳамкорлик доирасида томонлар енгил автомобиллар ҳамда автобусларни ишлаб чиқариш бўйича қўшма лойиҳани Ўзбекистоннинг янги энергия манбаида (НЕВ- гибридлар, электромобиллар ва электроавтобуслар) амалга ошириш имкониятларини ўрганишни келишиб олишди. Шунингдек, лойиҳа ўз ичига савдо ва сервис хизмат кўрсатиш шу жумладан, электромобиллар аккумуляторлари ҳамда электродвигателларга техник хизмат кўрсатиш тармоқларини яратишни ўз ичига олади.
Facebook | Instagram | Web | YouTube
Реклама ҳуқуқи асосида.
Изоҳ (0)