Таниқли кардиолог, «Ўсимлик парадокси» номли китоб муаллифи Стивен Гандри ўзининг севимли сабзавоти билан курашни бошлади: Китобда ёзилишича, «Помидорлар жуда агрессив маҳсулот бўлиб, улар яллиғланиш, килограмм ортиши ва жиддий аллергик реакцияларни келтириб чиқаради. Аммо энг ёмони шундаки, лектин ҳужайраларга ҳужум қилади ва афсуски, бу оқсил билан курашишнинг ягона йўли — уни рациондан чиқаришдир. Гандри ўз тадқиқотининг кўп қисмини ушбу ҳодисага бағишлади, деб ёзади Elle.
Гандрининг сўзларига кўра, лектинсиз рацион ортиқча вазнни келтириб чиқармайди, чунки бу оқсил ҳам ёғларнинг тўпланишига ҳисса қўшади. «Мен шифокор сифатида ишимда илмий изланишларга таяндим. 1000 иштирокчи ичидан 800 таси оилада аутоиммун касаллигига чалинган. Лектинсиз рационга қатъий риоя қилганларда уч ой давомида яллиғланиш белгилари кўринмади», — дея хулоса қилади кардиолог. Калифорниялик шифокорнинг сўзларига кўра, ушбу оқсил деменсия, соч тўкилиши, ҳуснбузар, анемия ва ҳатто сурункали чарчоқ синдромини оширади.
Айтганча, нафақат помидор, балки, масалан, барча донли ва сут маҳсулотлари (лекин фақат АҚШда) «тақиқланганлар» рўйхатига киритилган. Қизиғи шундаки, Жанубий Европадан (Испания, Италия ва Португалия) сигирлардан олинган маҳсулотлар ҳайвонларнинг озуқасидаги фарқлар туфайли бундай тақиқ остида қолмаган.
Помидор камчиликларидан хавотирга тушганлар учун яхши янгилик: уларни истеъмол қилиш мумкин, фақат терисини олиб ташлаган ҳолда. Чунки унинг таркибида кўп лектин мавжуд ва хом эмас, балки пиширилган ҳолда истеъмол қилиш тавсия этилади. Аммо лектин бўйича помидордан кейин иккинчи рекорд эгаси — маккажўхори бўлиб, айрим шифокорлар уни бутунлай рациондан чиқаришни таклиф қилади.
Изоҳ (0)