Россия Ташқи ишлар вазирлиги Литва расмийларининг Калининград вилоятига юк ташиш транзитини бекор қилиш ҳақидаги қарорини «очиқ душманлик» ва халқаро-ҳуқуқий мажбуриятларни бузиш, деб ҳисоблайди.
20 июнь куни Литва дипломатик миссияси раҳбари Виржиния Умбрасене Россия Ташқи ишлар вазирлигига чақирилган, у ерда унга кескин норозилик билдирилган ва «чекловларни зудлик билан бекор қилиш» талаби қўйилган.
Агар яқин келажакда Калининград вилояти ва Литва орқали Россия Федерациясининг қолган ҳудуди ўртасида юк транзити тўлиқ тикланмаса, Россия ўзининг миллий манфаатларини ҳимоя қилиш учун чоралар кўриш ҳуқуқини ўзида сақлаб қолади», — дейилади Россия ТИВ баёнотида.
Литва темир йўллари 18 июнь куни ярим тундан бошлаб Литва ҳудуди орқали Калининград вилоятига ўтадиган Европа санкцияларига кирувчи юклар транзити тўхтатилганини эълон қилган эди. Литва Ташқи ишлар вазирлиги раҳбари Габриэлиус Ландсбергиснинг тушунтиришича, Литва орқали Калининград вилоятига бир қатор товарлар транзитини тақиқлаш 17 июндан кучга кирган Европа Иттифоқи санкциялари пакетида назарда тутилган.
Изоҳ (0)