Миср мамлакатга кириб келадиган чет элликлар учун коронавирусга боғлиқ барча чекловларни бекор қилди, деб ёзади «РБК». Шу пайтгача мамлакатга Қоҳира томонидан маъқулланган вакциналардан бири билан эмланганлик сертификати ёки манфий натижали ПЗР-тест билан кириш мумкин эди.
Бундан ташқари, 22 январда ҳукумат маълумотномалари ҳақиқийлигига Шубҳа қилинган шахсларни тестдан ўтказишни бошлаганди. Агар мамлакатга киришда бундай тест мусбат натижа берса, сайёҳ кейинги таҳлилгача меҳмонхонада яккалаш режимига киритилар эди. Агар чет эллик мамлакатга Қоҳира ёки Искандария шаҳарлари орқали кираётган бўлса, улар дарҳол учиб келган мамлакатига қайтариб юборилган.
Январда Миср Туризм вазирлиги дунёда эпидемиологик вазият яхшиланса, кириш қоидалари ўзгартирилишини маълум қилганди.
ЖССТ маълумотларига кўра, баҳорда Мисрдаги коронавирус билан боғлиқ вазият нормаллашишни бошлаган: 31 январда республикада 15 мингдан ортиқ киши касалланган бўлса, 7 март куни уларнинг сони 5 минг, 13 июнда эса бор-йўғи 33 кишини ташкил қилди.
Эслатиб ўтамиз, Uzbekistan Airways 2022 йилнинг 7 майидан бошлаб Ўзбекистон ва Миср ҳудудлари ўртасидаги мунтазам қатновларни йўлга қўйди.
Изоҳ (0)