Англиянинг The Guardian нашри Қатарда бўлиб ўтадиган Жаҳон Чемпионати фаворитлари рейтингини эълон қилди.
Нашрга кўра, Аргентина терма жамоаси мусобақанинг асосий фаворити сифатида кўрсатилган. Газета муҳаррирларини аргентиналикларнинг ЖЧ—2022 саралашидаги ўйини, шунингдек, Финалиссимада Италия устидан қозонган ғалабаси илҳомлантирган.
Америка Кубоги—2021 финалида Аргентинага мағлуб бўлган Бразилия иккинчи ўринни эгаллаган. Учинчи ўриндан Испания терма жамоаси жой олган. The Guardian Педри ва Гави бошчилигидаги испаниялик ёш футболчилар авлодини эътироф этган, аммо таркибда яққол голеадор ҳужумчи йўқлиги муаммо бўлиши мумкин.
Шунингдек, мундиал фаворитлари топ-10 лигига Нидерландия, Германия, Франция, Дания, Бельгия, Португалия ва Англия киритилган. Сўнгги ўринларда Жанубий Корея, Коста-Рика, Қатар, Австралия ва Саудия Арабистони терма жамоалари қайд этилган.
Аввалроқ Испания терма жамоаси бош мураббийи Луис Энрике Аргентина ва Бразилия терма жамоаларини мундиал фаворити деб ҳисоблашини айтиб ўтганди.
Футбол бўйича 2022 йилги Жаҳон Чемпионати 21 ноябрдан 18 декабрга қадар давом этади. Қатарда бўлиб ўтадиган мундиал учун сўнгги йўлланмани Янги Зеландияни мағлуб этган Коста-Рика терма жамоаси қўлга киритди.
Изоҳ (0)