Ўзбекистон U-23 терма жамоаси бош мураббийи Темур Кападзе U-23 Осиё Кубоги—2022 ярим финали Япония устидан қозонилган ғалабадан сўнг матбуот анжуманида иштирок этди.
Ўйин ҳақидаЎзбекистон U-23 терма жамоаси финалда Саудия Арабистони терма жамоаси билан тўқнаш келади.Қийин учрашув бўлди, яхши тайёргарлик кўрдик, Япония кучли жамоа. Болалар бугун ирода ва матонат кўрсатиб, рақибга имконият қолдирмади.
Мухлислар бизни майдон ташқарисидан туриб ҳам қўллаб турди. Уларни қўллаб-қувватлашини ҳис қилиб турдик. Турнир бошидан болаларга футбол мухлислари бизга босим бермаслигини, улардан куч олишимизни айтиб келдим.
Иккинчи бўлим ҳақида
Бунақа ўйинларда 1-2 та вазият натижани ҳал қилиб кетади. Японияда имконият бўлди. Биз фойдаланиб кетдик. Японияни ўрганиб чиққандик. Жасур ҳам ажойиб гол урди. Бундан ташқари бизда яна кўплаб вазиятлар бўлди.
Ироққа қарши ўйиндан керакли хулосалар чиқардик. Бу каби хатоларни такрорламаслигимиз керак.
Биринчи навбатда финалда ўйнашимиздан хурсандмиз. Олдимизга катта мақсад қўйганмиз. Саудия Арабистонини ҳам яхши биламиз, кучли жамоа.
Биз ҳам финал ўйинида натижага эришишга, халқимизни хурсанд қилишга ҳаракат қиламиз.
Жароҳатлар ҳақида
Ўйин мураккаб бўлди, тикланиш жараёнини жадаллаштирамиз. Бизда вақт оз. Насиб бўлса, финалгача тайёр бўламиз.
Изоҳ (0)