Ёз мавсуми бошланиши билан дўкон ва бозорлардаги мева, резавор ва сабзавотлар бўлимларига кўпроқ эътибор қаратилади. Уларнинг кўплигидан энг мазали ва пишганини танлаш анча қийин. Пулни исроф қилмаслик ва уйга қайтганда хафсала пир бўлмаслиги учун AdMe нашри тақдим этган бир нечта тавсияларга амал қилиш керак бўлади.
Гилоснинг ранги унинг пишганлигининг кўрсаткичи эмас.
Қизилдан оч сариқ ранггача бўлган бир нечта ширин гилос навлари мавжудлиги сабабли, тўқ қизил ранг унинг сифаткўрсаткичи эмас. Аввало, унинг бандига қараш керак: ёрқин яшилларини харид қилиш тавсия этилади. Гилослар эса порлоқ, қаттиқ ва тўлиқ бўлиши лозим.
Карамни ташқи япроқларига кўра танлаш лозим.
Карамнинг сифати ва янгилигини аниқлаш жуда оддий: ташқи барглар порлоқ ва бир-бирига маҳкам босилган бўлади. Агар ажралган ёки майдаланган карамни афзал кўрсангиз, унда бошқасига қараганда камроқ C витамини борлигини ёдда тутинг.
Голубиканинг оқ қопламаси сифат белгисидир.
Голубика сотиб олаётганда, устидаги оқ қопламадан қўрқиш шарт эмас. Оқ ранг голубиканинг янгилигини кўрсатади, чунки у табиий қуёшдан ҳимоя қилади. Янги резавор териси эластик ва силлиқ бўлиб, унда нуқсонлар ва моғор бўлмаслиги керак.
Пакетларда тозаланган салат барглари одатдагидек бўлмайди.
Кўпгина мижозлар «Маҳсулот олдиндан ювилган» ёзувли кўкатларни афзал кўради. Аммо бу ҳолатда, кўпроқ эҳтиёт бўлиш керак, чунки бундай салат барглари одатда хлор билан ювилади. Бундан ташқари, тадқиқотларга кўра, ювилган кўкатларда бактериялар даражаси оддий ювилмаган ва кесилмаганларга қараганда анча юқори. Қолаверса, сариқ ва жигарранг доғлар ва сўлиш белгилари бўлмаган ёрқин яшил салат баргини танлаш керак.
Қовоқча катта бўлиши шарт эмас.
Бу ғалати туйилса-да, қовоқча сотиб олаётганда энг кичикларига эътибор бериш яхшироқдир. Гап шундаки, катта қовоқчалар кўпинча сувли ва аччиқ таъмга эга бўлади.
Нокнинг юқори қисмини босиб кўринг.
Нокнинг пишганлигини текширишнинг ишончли усули бор — бармоқ билан нокнинг юқори қисми енгил босилади. Агар у босимга дучор бўлса, унда нок пишган ва уни олиш мумкин. Бундай ҳолда, меванинг ўзи қаттиқ бўлиши керак. Агар у юмшоқ бўлса, эҳтимол мева ҳаддан ташқари пишган бўлиши мумкин.
Ўрикнинг қизаргани пишганлигини билдирмайди.
Пишган ўрикни танлаш учун меванинг рангига ишонмаслик керак, чунки қизариш ҳар доим ҳам унинг пишганлигини кўрсатмайди. Ёрқин хушбўй ҳидли ва бироз юмшоқ, аммо шилимшиқ бўлмаган қаттиқ, қуюқ тўқ сариқ ўрикларни танлаш тавсия этилади. Агар мева жуда қаттиқ бўлса, у нордон бўлиши ҳам мумкин.
Исмалоқ ҳўл бўлмаслиги керак.
Исмалоқ танлаётганда, унинг тўқ яшил рангга эга эканлигига ва сўлиб қолган барглари йўқлигига ишонч ҳосил қилинг. Кўкатларни харид қилишда пакет ва қутиларда намлик бор-йўқлигини текшириш муҳим. Растада эмас, музлаткичда сақланадиган исмалоқни сотиб олиш тавсия этилади.
Шафтолининг хилма-хиллигига эътибор беринг.
Дастурхон учун энг мазали ва пишган шафтолини олиш учун сотиб унинг қобиғининг рангига қаранг. Мевада яшил доғлар бўлмаслиги керак, пишган меванинг териси қизил-тўқ сариқ рангга эга бўлади. Бироқ кўп нарса хилма-хилликка боғлиқ. Шафтоли сариқ-оқ рангга эга бўлиши мумкин ва ундан кам мазали бўлмайди.
Қулупнай баргига диққат билан қаранг.
Ёз бошида энг машҳур резаворлардан бири — қулупнай. Албатта, биринчи навбатда, дастурхондан қизил мевалар биринчи бўлиб жой олади. Лекин меванинг баргларини диққат билан кўриб чиқиш лозим: агар улар оқ бўлса, унда резаворлар пишмаган ҳолда териб олинган бўлиши мумкин.
Изоҳ (0)