Украина президенти офиси раҳбарининг маслаҳатчиси Михаил Подоляк мамлакат Россия билан оғир қуроллар бўйича тенгликка эришиши кераклигини айтди. Гап 1000 та 155 мм калибрили гаубица, 300 та РРT (реактив ракета тизими), 500 та танк ва бошқа қуроллар ҳақида бормоқда.
«Тўғрисини айтганда, урушни тугатиш учун бизга оғир қуроллардаги тенглик керак: 1000 та 155 мм калибрили гаубица; 300 РРT; 500 та танк; 2000 зирҳли транспорт воситалари; 1000 та дрон», — деб ёзади Подоляк ўз Twitter’ида.
Шунингдек Подоляк «15 июнь куни Брюсселда мудофаа вазирлари алоқа гуруҳининг йиғилиши бўлиб ўтади. Биз қарорни кутмоқдамиз», дея қўшимча қилган.
10 июнь куни Украина ҳарбий разведкаси раҳбари ўринбосари Вадим Скибицкий Украина артиллерия бўйича Россияга ютқазаётганини ва ҳозир деярли бутунлай Ғарб қуролларига таянаётганини айтди. Унинг сўзларига кўра, Украина армиясида ҳар 10-15 рус артиллериясига қарши битта артиллерия тўғри келади.
Изоҳ (0)