Ижтимоий тармоқларда Uzbekistan Airways Safe Takeoff компаниясининг 30 йиллигини нишонлаш мақсадида танлов ўтказилаётгани ҳақида хабарлар тарқалди. Авиакомпания ахборот хизмати ҳолат юзасидан раддия берди.
Қайд этилишича, танлов доирасида 3 миллион сўм пул маблағи ва совғалар ўйналиши эълон қилинган. Uzbekistan Airways йўловчилардан пластик карта маълумотларини нотаниш сайтларга ва ҳаволаларга киритмасликни ва бундай фирибгарлардан эҳтиёт бўлишни сўраган.
«Компания танловларни фақат ижтимоий тармоқлардаги расмий саҳифаларида ўтказади», — дейилади хабарда.
Аввалроқ Ўзбекистонда барча қўнғироқлар ёзиб олиниб, ижтимоий тармоқлар назорат қилиниши ҳақидаги хабарга раддия берилганди. Шунингдек, Ўзбекистон президенти ва Соғлиқни сақлаш вазирлигининг сохта веб-сайтини яратиб, фуқароларнинг пулларини ўғирламоқчи бўлган фирибгар ушланган.
Мавзуга доир:
- Андижонда аёл маймунчечак касаллигига чалингани ҳақидаги хабарларга раддия берилди
- Ўзбекистонда 1 июнь куни муносабати билан ҳамма болалар учун 200 минг сўм берилиши тўғрисидаги хабарлар рад этилди
- Ўзбекистонда икки нафардан ортиқ фарзанд кўришга чеклов ўрнатилаётгани ҳақида тарқалган хабарлар рад этилди
Изоҳ (0)