Ижтимоий тармоқларда Андижон вилоятида аёл кишида маймунчечак касаллиги аниқлангани ҳақида хабар тарқалди. Санитария-эпидемиология хизмати хабарларга раддия берди.
Қайд этилишича, Асака тумани «Кужган» маҳалласида яшовчи Й.Х. (1973 йилда туғилган) бетоб бўлган. Бемор 3 кун уйида келини томонидан даволанган. Даволаниш даврида бемор турли дори воситаларини қабул қилган. 2 кун давомида баданларида аста-секин тошмалар пайдо бўлиб, оғиз ичига ҳам тошмалар тошган. Асака туман тиббиёт бирлашмаси юқумли касалликлар бўлимида бир кун давомида даволанган. Лекин ижобий ўзгариш сезиларли даражада бўлмаган.
Шундан сўнг, 12 июнь куни соат 11:07 да у баданига тошмалар тошиш, тана ҳаророрати кўтарилиш, безовталик, нафас бўғилиши, ўта ҳолсизлик шикояти билан Республика шошилинч тиббий ёрдам илмий маркази Андижон филиалига ётқизилган. Кўрсатилган муолажалар натижасида умумий ҳолатида яхшиланиш кузатилиб, оддий палатада даволаниш давом эттирилмоқда. Беморга дори моддаларга аллергик реакция ташхиси қўйилган.
Изоҳ (0)