«Эхо Москви» газетасининг собиқ бош муҳаррири Алексей Венедиктовнинг «хорижий агентлар» рўйхатига киритилишига унинг радиостанциядаги маоши ва Россия Адлия вазирлиги томонидан «чет элдан молиялаштирилган» деб ҳисобланган «Дилетант» журналидан олган дивидендлари сабаб бўлган. Бу ҳақда унинг ўзи Telegram-каналида маълум қилди.
Венедиктов шу йилнинг 22 апрель куни «хорижий агент» деб эълон қилинганди. 7 июнь куни журналист бу қарорни бекор қилишни талаб қилиб, Россия Федерацияси Адлия вазирлиги устидан судга мурожаат қилди.
Аввалроқ Адлия вазирлиги сиёсатшунос Екатерина Шулманнинг «Эхо Москви» телеканалидаги гонорарини билвосита хорижий молиялаштириш деб атаган, бу эса уни «хорижий агент» деб эълон қилишга сабаб бўлганди.
Россиянинг энг машҳур радиоканалларидан бири бўлган «Эхо Москви» шу йили 3 март куни директорлар кенгаши қарори билан тугатилганди. Бундан икки кун аввал Роскомнадзор радиостанция веб-сайтини блоклаб қўйган ва уни «экстремизмга даъват қилгани» учун эфирдан олиб ташлаган эди.
Изоҳ (0)