Марказий банк Ўзбекистонда доллар курси билан боғлиқ вазиятни тушунтирди

Март ойининг иккинчи ярмидан бошлаб ўзбек сўми АҚШ долларига нисбатан 5,1 фоизга мустаҳкамланди. Бу ҳақда Марказий банк хабар берди.

Ўзбекистонда доллар курси март ойининг биринчи ярмида максимал даражага етиб, кейинчалик пасайишни бошлади.

Натижада агар март ойи бошида сўм долларга нисбатан 6,8 фоизга қадрсизланган бўлса, июнь ойига келиб у 1,6 фоизгача мустаҳкамланди.

Умуман олганда май ойида сўмнинг реал курси 2019 йил сентябрь ойига нисбатан 2 фоизга қимматлашди.

Сўм динамикаси ташқи рақобатбардошликка салбий таъсир кўрсатмайди, — дейилади Марказий банк хабарида.

Апрель—май ойларида Марказий банк олтин-валюта захираларига тегмасдан, ички бозордан 523 миллион долларга валюта сотиб олди.

Бу қисқа муддатда сўмнинг долларга нисбатан кескин ошишига йўл қўймаслик учун қилинган.

Умуман, йил бошидан буён Марказий банкда 1 миллиард долларга яқин интервенсия амалга ошмаган.

Бу келажакда валюта курси барқарорлигининг қўшимча манбасига айланиши кутилмоқда.

Аввалроқ Ўзбекистон иқтисодиёти салбий тўлқинларни ортда қолдиргани ҳақида хабар берилган эди.