Фарғона вилояти Учкўприк туманида тақиқланган ўсимликларни парваришлаб келаётган шахс аниқланди. Бу ҳақда вилоят Ички ишлар бошқармаси хабар қилди.
Қайд этилишича, 26 май куни туман ИИБ ходимлари томонидан тезкор тадбир ўтказилган. Жараён давомида Янгиер қишлоғида яшовчи М.Т.нинг яшаш хонадони холислар иштирокида кўздан кечирилган. Натижада фуқаро томорқасида 329 туп кўкнорини парваришлаб келаётгани аниқланиб, далилий ашё тариқасида олинган.
Ҳолат юзасидан Жиноят кодексининг 270-моддаси (тақиқланган экинларни етиштириш) 1-қисми билан жиноят иши қўзғатилган. Ҳозирда тергов ҳаракатлари олиб борилмоқда.
Мазкур жиноятни содир этган шахс уч йилгача озодликдан маҳрум қилиш билан жазоланиши мумкин.
Изоҳ (0)