Тошкент шаҳрининг Миробод туманида ҳайдовчилик гувоҳномасини олиб беришни ваъда қилган ўқув ташкилоти раҳбари ушланди, деб хабар беради Бош прокуратура ҳузуридаги департамент.
Маълум қилинишича, департамент ҳамда ИИБнинг Миробод туман бўлимлари томонидан тезкор тадбир ўтказилган. Тадбир давомида «Ватанпарвар» ташкилоти «Чилонзор ўқув спорт техника клуби» унитар корхонаси бошлиғи Ф.Э. фуқаро Ж.га C тоифадаги ҳайдовчилик гувоҳномасини олиш учун уч ойлик ўқув машғулотларида қатнашмасдан, ўқиганлик ҳақидаги гувоҳномани тайёрлаб беришни ваъда қилгани аниқланган. Бунинг эвазига у 1,5 миллион сўмни қўлга киритиб, қолган 1000 долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 192-9-моддаси (тижоратда пора эвазига оғдириб олиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Сурхондарёда танишлари орқали фуқарога «права» олиб бериш учун 2 миллион сўм олган шахс ушланганди.
Мавзуга доир:
- Қорақалпоғистонда тўрт нафар фуқарога «права»ни дарсларга қатнаштирмасдан олиб беришни ваъда қилган автомактаб ходими ушланди
- Бир ҳафтада «права» олиб беришини айтиб, фуқаролардан пул олган эркакка жазо тайинланди
- Хоразмда 600 доллар эвазига «права» имтиҳонларидан ўтказиб қўйишни ваъда қилган шахс ушланди
Изоҳ (0)