Непал қидирув-қутқарув бригадаси 29 май куни ғойиб бўлган Таrа Air авиакомпанияси самолёти бўлакларини топди, деб ёзади «РБК».
Бўлаклар Непал шимолидаги Мустанг туманидан топилди. Фотосуратларда самолёт тўлиқ вайрон бўлганини кўриш мумкин. Шунингдек, воқеа жойидан ҳалок бўлганларнинг жасадлари топилган.
Таrа Air самолёти 29 май куни эрталаб радарлардан йўқолиб қолди. Унинг бортида 22 киши бўлган. Самолёт Покхара сайёҳлик шаҳридан Непал шимолидаги Жомсомга учаётган эди. У ўзи учиб чиққан шаҳарнинг Мустанг тумани осмонида, аммо кейин у Дхаулагири тоғлари томонга қараб учган.
Самолётнинг тахминий жойи ўша куни кечқурун аниқланди. Мамлакат пиёда қўшинлари вакили Нараян Сильвал борт Ламче дарёси этагига қулаб тушганини маълум қилди. Воқеа жойига ҳаво ва ердан ҳарбийларнинг иккита гуруҳи йўл олди. Бироқ Мустанг ҳудудидаги кучли қор туфайли қидирув ишларини тўхтатиб туришга тўғри келди.
«Интерфакс» ёзишича, самолёт бортида 16 нафар Непал, тўрт нафар Ҳиндистон ва икки нафар Германия фуқаролари бўлган.
Самолёт билан алоқа парвоздан кейин 20 дақиқа ўтиб йўқолган.
Мавзуга доир:
- Март ойида Хитойда ҳалокатга учраган Boeing 737 самолёти атайлаб ерга йўналтирилган — WSJ
- Хитой аэропортида йўловчилар ўтирган самолёт ёниб кетди, 40 киши жабрланди (видео)
- Хитойда бортида 132 нафар одам бўлган Boeing ҳалокатга учради. Ҳодисадан кейин China Eastern компанияси Boeing 737-800 самолётларидан фойдаланишни тўхтатди
Изоҳ (0)