Карло Анчелотти Зидан ва Пейслини ортда қолдириб, ЕЧЛда энг кўп ғолиб бўлган мураббийга айланди

Карло Анчелотти бошчилигида «Реал» Чемпионлар Лигаси финалида «Ливерпуль» устидан ғалаба қозонди.

Италиялик мутахассис фаолияти давомида тўртинчи марта ЕЧЛ совринига эга чиқди. Бу борада Анчелотти Зинедин Зидан ва Боб Пейслини ортда қолдирди. Ҳар иккала мураббий Чемпионлар Лигасида 3 мартадан зафар қучган.

Карло мураббийлик фаолиятида шу вақтга қадар 5 маротаба нуфузли мусобақа финалларида иштирок этган: 3 марта «Милан» билан, 2 марта «Реал» билан. Фақатгина 2004/05 йилги мавсумда мағлуб бўлган. 2003, 2007 ва 2014 йилларда шоҳсупага қадар кўтарилган.

Анчелотти футболчи сифатида 1989 ва 1990 йилларда Европа Чемпионлар Кубогида иштирок этган ва ғалаба қозонган.

63 ёшли мутахассис 23-совринини қўлга киритди. Мураббий «Реал» билан 7 та, «Милан» билан 8 та, «Челси», «Бавария» билан 3 тадан, «Ювентус», «ПСЖ» билан эса биттадан совринга эришган.