Андижон вилоятининг Олтинкўл туманида ўгай она 11 ёшли қизга тазйиқ ўтказиб келгани аниқлангани ҳақида хабар берилган эди. Вилоят прокуратураси аёлга нисбатан жиноят иши қўзғатилганини маълум қилди.
Аниқланишича, қизнинг холаси И.Ҳ.нинг Олтинкўл туман ИИБга йўллаган аризаси бўйича ўтказилган текшириш натижасига кўра аниқланишича, ўгай она М.Х. қизнинг отаси С.Х. билан 2016 йилдан буён қонуний никоҳ асосида яшаб келган. Эрининг олдинги турмушидан бўлган 11 ёшли қизи Ҳ.И.ни мунтазам равишда уриб тан жароҳати етказиб келган.
22 май куни ўгай онаси томонидан тан жароҳати етказилган қиз бобоси ва бувиси истиқомат қилаётган уйга қочиб келган. Қиз уларга бўлган воқеани айтиб берган ва шу маҳаллада яшовчи (вафот этган онасининг ота-онаси) бувисининг яшаш хонадонига олиб бориб қўйишларини илтимос қилган. Мазкур хонадонга боргандан сўнг, қизнинг холаси жиянига етказилган тан жароҳатларни видеотасвирга олиб, ижтимоий тармоқларга жойлаган.
Вилоят прокуратураси хабарига кўра, ҳолат юзасидан фуқаро М.Х.га нисбатан 28 май куни Жиноят кодексининг 110-моддаси 2-қисми «а» банди билан жиноят иши қўзғатилган. Ҳозирда жиноят иши бўйича дастлабки тергов ҳаракатлари ўтказилмоқда.
Изоҳ (0)