Uzbekistan Airports АЖ раҳбариятининг қарори билан Урганч халқаро аэропорти директори Руслан Оғабуллаев эгаллаб турган лавозимидан озод этилди.
Руслан Оғабуллаев 2021 йилнинг июнь охирида Урганч халқаро аэропортига янги директор этиб тайинланган эди. Тайинловга қадар у директорнинг ишлаб чиқариш бўйича биринчи ўринбосари лавозимида ишлаган. Унга қадар аэропортга Худойберган Курязов раҳбарлик қилиб келаётган эди.
Маълум қилинишича, бошқарув раисининг эксплуатация бўйича биринчи ўринбосари Жавлонбек Умархўжаев Урганч аэропорти директори вазифасини вақтинча бажарувчи этиб тайинланган.
Эслатиб ўтамиз, Раъно Жўраева 2021 йилнинг февралида Uzbekistan Airports компаниясига директор этиб тайинланганди. Бунга қадар у Россиянинг энг йирик авиацион ва космик холдинги раҳбари лавозимида ишлаб келаётган эди.
Мавзуга доир: Самарқанд халқаро аэропортига янги директор тайинланди
Изоҳ (0)