Наманганда Nexia ва Hyundai Porter русумли автомобиллар иштирокида йўл-транспорт ҳодисаси рўй берди. Бу ҳақда «Дарё»га вилоят ИИБ матбуот хизмати маълум қилди.
Ҳодиса 2022 йил 25 май куни соат 13:00 атрофида Эшобод—Наманган—Янгиқўрғон—Калишох автомобиль йўлининг 14-километрида, Янгиқўрғон туманининг «Қизилқиёқ» маҳалласи ҳудудида рўй берган. 19 ёшли Nexia ҳайдовчиси ҳаракат хавфсизлигини таъминлай олмай, қарама-қарши йўналишга чиқиб кетиб, 1993 йилда туғилган ҳайдовчи бошқарувидаги Hyundai Porter автомобили билан тўқнашган.
Ушбу автоҳалокат оқибатида Наманган шаҳридаги мактаблардан бирининг 7-синф ўқувчи қизи жиддий жароҳат олиб, шифохонага ётқизилган. Бироқ кўрсатилган тиббий муолажаларга қарамай, шифохонада оламдан ўтган.
Ҳозирда ушбу ҳолат бўйича Янгиқўрғон туман ИИБ тергов бўлими томонидан терговга қадар текширув ҳаракатлари олиб борилмоқда.
Изоҳ (0)