Шавкат Мирзиёев раислигида 26 май куни ўтказилган саноат зонаси ва йирик инвестицияларга доир йиғилишда масъулларга бир қатор вазифалар топширилди. Бу ҳақда президент матбуот котиби хабар қилди.
Қайд этилишича, бугунги кунда ҳудудларда 35 та текстил-бўёқ ва 14 та терини қайта ишлаш бўйича янги лойиҳалар тайёрланган. Шу муносабат билан йил якунига қадар текстил-бўёқ ва терини қайта ишлаш бўйича индустриал парклар ташкил этиш, замонавий тозалаш иншоотларини қуриш бўйича лойиҳаларни бошлаш вазифаси қўйилган. Мутасаддилар вилоят ҳокимлари билан бирга ушбу ишлар ҳисобидан 20 мингта иш ўрни яратиши, қўшимча 250 миллион доллар экспортни таъминлаши шартлиги таъкидланган.
Бухоро, Жиззах, Самарқанд, Сурхондарё, Тошкент вилояти, Фарғона тадбиркорлари бу имкониятдан фойдаланиб, юқори қўшилган қийматли маҳсулотлар ишлаб чиқариш бўйича 630 миллион долларлик янги лойиҳаларни бошлаш ташаббуси билан чиққан. Уларни инфратузилма билан таъминлаш учун жорий йилда 120 миллиард сўм ажратилади.
Бошқа ҳудудлардан ҳам янги лойиҳа таклифлари бўлса, улар учун яна 50 миллиард сўм ажратилиши таъкидланган. Йиғилишда Самарқандда 300 гектар майдонда янги махсус саноат зонаси ташкил этилиши белгиланган.
Изоҳ (0)