Адлия вазирига янги ўринбосар тайинланди, деб хабар бермоқда Telegram’даги «Нигоҳ» канали.
Қайд этилишича, ушбу лавозимга Тўлқин Абдусатторов тайинланган. У шу муносабат билан Интеллектуал мулк агентлиги директори лавозимидан озод этилган. Абдусатторов агентлик раҳбари лавозимига 2019 йилнинг сентябрь ойида президент қарорига мувофиқ тайинланганди.
Тўлқин Абдусатторов 1978 йилда Жиззах вилоятида туғилган, маълумоти олий, 1999 йилда Самарқанд давлат университетини, 2003 йилда Жаҳон иқтисодиёти ва дипломатия университетини, 2007 йилда Ўзбекистон миллий университетини тамомлаган, мутахассислиги ҳуқуқшунос.
Тўлқин Абдусатторов меҳнат фаолиятини 2003 йилда Фанлар академияси фалсафа ва ҳуқуқ институти кичик илмий ходими лавозимидан бошлаган.
2019 йил март ойидан Олий Мажлиси Қонунчилик палатаси Коррупцияга қарши курашиш ва суд-ҳуқуқ масалалари қўмитасининг раиси лавозимида фаолият юритган.
Аввалроқ Ўзбекистон Адлия вазирлиги тизимида янги лавозим тайинловлари амалга оширилгани, адлия вазирига янги ўринбосар тайинлангани, Ўзбекистон техник жиҳатдан тартибга солиш агентлигига директор тайинлангани ҳақида хабар келиб тушган.
Изоҳ (0)