Ўпка саратони энг хавфли касалликлардан бири бўлиб, у йиллар давомида инсонларнинг ўлимига сабаб бўлади. Афсуски, ҳеч қачон сигарет чекмаганлар ҳам хавф остида бўлиши мумкин — шунинг учун ўпка саратонининг асосий белгиларини билиш барча учун жуда муҳим. Чунки қанчалик эрта ташхис қўйилган ва даволаш бошланган бўлса, муваффақиятга эришиш имконияти шунчалик юқори бўлади. «Новий очаг» нашри «Рассвет" клиникасининг пулмонологи Акулкина Лариса Анатолевна билан биргаликда касалликнинг белгилари ҳақида бир қанча маълумотлар тақдим этди.
Ушбу аломатлардан баъзилари эрта босқичда пайдо бўлади, лекин уларнинг аксарияти касаллик билан ривожланади. Шунинг учун инсон ўзида кузатилаётган ўзгаришларга эътиборли бўлиши керак.
Кўкрак қафасида оғриқ
Оғриқ елка ёки белга ҳам тарқалиши мумкин, шунинг учун баъзи беморлар буни юрак касаллигининг намоён бўлиши, деб хато қилади. Аммо агар оғриқ чуқур нафас билан, йўталаётганда ёки кулаётганда кучайса, ўпканинг ҳолатини имкон қадар тезроқ текширтириш керак.
Доимий йўтал
Агар йўтал одатда қуруқ, балғамсиз бўлса ва 3 ҳафта ёки ундан кўпроқ вақт давомида ўтиб кетмаса, шифокорга мурожаат қилиш лозим: ривожланаётган ўсимта нафас йўлларининг деворларини безовта қилиши мумкин. Организм эса ёт нарсани йўтал билан чиқариб ташлашга ҳаракат қилади.
Қон аралаш йўтал
Қон аралаш йўталиш ҳар доим яхши аломат эмас. Бу саратон касаллигини кўрсатмаса-да, ҳар қандай ҳолатда ҳам дарҳол шифокорга мурожаат қилиш керак. Сурункали йўтал билан оғриган кашандалар балғамда қон борлигига алоҳида эътибор қаратиши лозим, чунки улар доимий йўталга шунчалик кўникиб қолади ва бунга аҳамият бермайди. Натижада касаллик хавфли босқичга ўтиб кетиши мумкин.
Овознинг бўғилиши
Овоз бўғилиши ўткир нафас йўллари инфекцияси белгиларисиз ривожланадиган ўпка саратони ёки ҳалқум саратони ривожланишини кўрсатиши мумкин. Айниқса, кашандаларда бу дарҳол тиббий ёрдамни талаб қилади. Бу ҳолатда овознинг ўзгариши у пайчаларининг ишини тартибга солувчи ларингеал нервларда ўсаётган ўсимтани сиқиб қўйиши билан боғлиқ.
Нафас қисилиши
Ўпка саратони ривожланишининг яна бир белгиси нафас қисилиши бўлиб, у паст интенсивликдаги машқлардан кейин пайдо бўлади. Бу ўсимта нафас йўлларини қисман тўсиб қўйганлиги, шунингдек, кўкрак қафаси бўшлиғида суюқлик тўпланиши туфайли юзага келади.
Чарчоқ ҳисси
Чарчоқнинг кучайиши ва доимий чарчоқ ҳисси шифокорга имкон қадар тезроқ мурожаат қилиш учун сабабдир. Бу деярли ҳар доим организмда баъзи исталмаган, шу жумладан, жуда хавфли жараёнлар содир бўлишининг белгисидир. Агар чарчоқ ҳисси вазн йўқотиш ва иштаҳанинг етишмаслиги билан бирга бўлса, ўпка саратони эҳтимоли, айниқса, юқори.
Номаълум сабабларга кўра пайдо бўладиган оғриқ
Ўпка саратони касалликнинг энг охирги босқичларига қадар ҳеч қандай аниқ аломатлар билан бирга кузатилмаслиги мумкин бўлган касаллик турларидан биридир. Баъзида биринчи белгилар фақат скелетнинг ички органлари ва суякларида пайдо бўлади. Натижада бош оғриғи, бош айланиши, оёқ-қўлларда увишиш ёки оғриқ, организмнинг бошқа қисмларида оғриқ қайд этилиши мумкин.
Изоҳ (0)