«Барселона» Роберт Левандовски учун расмий таклиф юборди. Ҳужумчи Хави билан 2 марта суҳбатлашган

«Барселона» Роберт Левандовски учун «Бавария»га расмий таклиф юборди.

Ўтган ҳафтада мюнхенликлар ҳужумчи борасида расмий таклиф олган. «Барселона» 33 ёшли Робертга 32+5 миллион евро тўлашга тайёр. «Бавария» раҳбарияти ҳозирча аниқ жавоб бергани йўқ.

Левандовски каталонияликлар бош мураббийи Хави билан икки марта видеоқўнғироқ орқали суҳбатлашган. Испаниялик мураббий польшалик ҳужумчини ўз лойиҳасига, уни тоза тўққизлик сифатида синамоқчилигига ишонтирган.

Аввалроқ «Реал» ҳам Мбаппе трансфери барбод бўлгач, польшалик ҳужумчига қизиқиш билдираётгани хабар қилинганди.

Роберт Левандовски жорий мавсум «Бавария» сафида барча мусобақаларда 50 та ўйинда майдонга тушиб, 46 та голга муаллифлик қилди.