«Манчестер Юнайтед» ярим ҳимоячиси Пол Погба мавсум охирида эркин агент сифатида «Ювентус»га қайтади.
29 ёшли футболчи туринликлар билан 3 йиллик шартнома борасида келишувга эришган. Погбанинг «Ювентус»даги йиллик маоши 7,5 миллионни ташкил этади. Бонуслар билан бирга 10 миллион еврогача ўсиши мумкин.
Аввалроқ манкунианликлар ёзда ўнга яқин футболчи билан хайрлашиши мумкинлиги хабар қилинганди. Уларнинг ичида Погба ҳам бор. «Манчестер Сити» ҳам французни ўз сафига қўшиб олмоқчилиги маълум бўлганди.
Погба 2012 йилдан 2016 йилга қадар «Ювентус» шарафини ҳимоя қилган. 2016 йил ёзида эса «Манчестер Юнайтед» футболчини ўз сафига қўшиб олган эди. Пол Англия Премьер Лигасининг 2021/22 йилги мавсумида 20 ўйинда майдонга тушиб, 1 та гол урди ва 9 та голли узатмага муаллифлик қилди.
Изоҳ (0)