Тошкент шаҳар Яккасарой тумани Шота Руставели кўчасида жойлашган савдо мажмуаси ва қаҳвахона кимошди савдосига қўйилди. Лот маълумотлари «E-auksion» порталида эълон қилинган.
Лот изоҳида ёзилишича мажмуа 87 та хонадан иборат. Бундан ташқари хоналар лойиҳасиз реконструкция қилинган, қўшимча қурилмалар мавжуд.
Ресторан аукционга суд ҳукми билан Сергели тумани МИБ томонидан қўйилган.
Бинода «Сазанчик» ресторани, «Океан» савдо мажмуаси ва бошқалар жойлашган.
Ер участкасининг умумий майдони — 0,23 гектар. Бинонинг майдони — 2 685 квадрат метр. Ресторанда газ, сув, электр таъминоти ва канализация тизими мавжуд.
Аукционга қўйилган мажмуанинг бошланғич нархи — 25,7 млрд сўм. Аризалар 20 июнь 09:00 га қадар қабул қилинади. Савдолар худди шу куни 10:00 да бошланади.
Аввалроқ Тошкентдаги гўзаллик салони 9 млрд сўм қарзи билан аукционга қўйилгани ҳақида хабар берилган эди.
Изоҳ (0)