АҚШ асосий облигациялардан воз кечишни тугатишга тайёрланар экан, Россияда дефолт хавфи ортиб бормоқда. Бу ҳақда Bloomberg хабар берди.
Байден маъмурияти келгуси ҳафтадан бошлаб хорижий давлатлардан инвесторлар учун тўловларни бутунлай тўхтатмоқчи. Бу эса Россия учун дефолт хавфини оширади.
ICE Data Services маълумотларига кўра, Россиянинг бир йил ичида дефолт бўлиш эҳтимоли 90 фоизга етди. Бир кун аввал бу эҳтимол 77 фоиздан ошиқ эди.
Россия қарзини ҳужжатларда кўрсатилган валютада эмас рублда тўлагани учун кўплаб инвесторлар ва таҳлилчилар мамлакат дефолт ёқасида деб ҳисобламоқда.
Аммо Россия ҳозиргача барча қарз мажбуриятларини бажаришга муваффақ бўлди. Ҳукумат айрим санкциялардан қочиш йўлларини топмоқда.
Мисол учун, Москва ўзининг ички доллар захираларини ишлатиб бўлгандан кейин Россияга музлатилган хорижий активларидан фойдаланишга рухсат берилди.
Россия молия вазири Антон Силуанов Россия хорижий инвесторлар олдидаги қарийб 20 миллиард долларлик суверен қарзни тўлаш ниятида эмаслигини ва пул ўтказмалари тўсиб қўйилса, рублда тўлашини яна бир бор таъкидлади.
Унинг айтишича, Москвага хорижий валютадаги ташқи қарзларни тўлаш ҳуқуқини берувчи лицензиянинг амал қилиш муддати 25 май куни тугайди.
Улар 26-куни сизда тўлов ҳуқуқи йўқ дейишади. Кейин эса кўрдингизми, Россия қарзини тўламаган дея бошлашади. Бизда пул бор, рублда тўлаймиз, — дейди Россия молия вазириАпрель ойида Силуанов агар Россия ўз мажбуриятларини бузишга тўғри келса, судга беришга ваъда берган эди.
Изоҳ (0)