Бешта вазн дивизионида собиқ Жаҳон чемпиони Флойд Мейвезер ва Дон Мур ўртасидаги кўргазмали жангнинг янги санаси эълон қилинди.
45 ёшли Мейвезер ва 42 ёшли Мур ўртасидаги беллашув 14 май куни Дубай шаҳрида ўтказилиши лозим эди. Аммо БАА президенти Халифа ибн Зайд ал-Наҳаённинг вафоти сабаб, жанг бошқа санага қолдирилган эди.
Мейвезер ўз Instagram саҳифасида Мур билан жанг 21 май куни ўтказилишини маълум қилди.
Флойд ушбу жангдан 10 миллион доллар гонорар олади. Шунингдек, пуллик трансляциялар сотувидан тушадиган 50% улуш ҳам боксчига тақдим этилади.
Мазкур бокс кечасида, шунингдек, UFC собиқ чемпиони Андерсон Сильва ва Бруно Мачадо ўртасида кўргазмали жанг ўтказилади.
Мейвезер 2021 йилнинг июнида блогер Логан Полга қарши кўргазмали жангда иштирок этганди. Беллашувда ғолиб номи аниқланмаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)