Буюк Британия Россияга қарши санкциялар рўйхатини кенгайтирди. Мамлакат президенти Владимир Путиннинг қариндошлари, унинг собиқ рафиқаси Людмила Очеретная, «Националная медиа группа» директорлар кенгаши раиси Алина Кабаева ва Путиннинг атрофидаги бошқа шахслар санкциялар остига тушган. Бу ҳақда Британия ҳукумати сайтида хабар берилган.
Ҳукумат матбуот хизмати хабарига кўра, Кабаева Путин билан «яқин муносабатда». АҚШ расмийларининг фикрича, Кабаева Путиннинг «камида уч нафар фарзанди»нинг онаси ва у «Путиннинг хориждаги шахсий бойлигини яширишда» муҳим рол ўйнаётган бўлиши мумкин.
Кабаеванинг бувиси Анна Зацепелина, Россия президентининг амакиваччаси Игорь Путин ва унинг ўғли Роман ҳам санкциялар остида қолди.
Санкцияларга учраган россияликларнинг тўлиқ рўйхати «РИА Новости» томонидан эълон қилинди:
«(Бугун) биз Путиннинг дабдабали турмуш тарзини қўллаб-қувватловчи яширин тармоқни фош қиляпмиз ва нишонга оляпмиз... Украина ғалаба қозонмагунча Путиннинг агрессиясига ҳисса қўшадиган одамларнинг барчасига нисбатан санкциялар қўллашда давом этамиз», — деди Британия ташқи ишлар вазири Лиз Трасс.
Апрель ойи охирида The Wall Street Journal манбалари АҚШ расмийлари Алина Кабаевага қарши санкциялар пакетини тайёрлагани, бироқ Владимир Путиннинг «агрессив» муносабат билдиришидан қўрқиб, уни амалга оширишни кейинга сургани ҳақида хабар берган эди.
Май ойи бошида Bloomberg агентлиги Европа Иттифоқи расмийлари томонидан Кабаевага қарши санкциялар қўллаш таклифи киритилгани ҳақида хабар берди.
Мавзуга доир:
- АҚШ Путин, Лавров ва Шойгуга қарши санкциялар эълон қилди
- Канада Путиннинг икки қизи, Лавровнинг оиласи ва россиялик бизнесменларга қарши санкциялар қўллаганини эълон қилди
- Янги Зеландия Путинга қарши санкцияларни жорий этди. Бундан олдин АҚШ, Европа Иттифоқи, Буюк Британия, Канада ва Япония ҳам шундай қилганди
Изоҳ (0)