Жаҳон амалиётидан яхши маълумки, энг йирик ва муваффақиятли компанияларнинг афзаллик жиҳатлари, хизмат кўрсатишдаги қулайлик ва тезкорлигидадир. Тақдим этилаётган хизматлар одамлар турмуш тарзининг енгиллашишига ҳисса қўшиши керак. Мижозларига энг яхшисини тақдим этишга одатланган «Агробанк» ҳам айни шу жиҳатни инобатга олган ҳолда, ўзининг замонавий, ихчам smart офисини тақдим этди.
Smart офисларнинг иш бошлагани тадбиркорлар учун ҳам, оддий одамлар учун ҳам айни муддао бўлди. Сабаби, энди биргина шу «ақлли офис»нинг ўзида нақд пул ечиб олишдан тортиб, кредит расмийлаштиришгача бўлган барча амалиётларни тез ва сифатли бажариш мумкин.
Smart офис банк ходимлари иштирокисиз 24/7 режимида ишлайди, ҳатто тун маҳалида ҳам пластик картадан пул олишингиз ёки бошқа банк хизматларидан фойдаланишингиз зарур бўлса, бемалол ушбу smart офисга ташриф буюришингиз мумкин. Барча smart офислар картомат, автоматлаштирилган депозит машина, Video teller машинаси, банкомат, инфокиоск, ресепшн робот ҳамда TouchScreen каби замонавий қурилмалар билан жиҳозланган.
Мижозларни дастлаб ресепшн робот кутиб олади ва банк томонидан кўрсатилаётган барча хизмат турлари, ўтказилаётган акциялар ва янгиликлар ҳақида маълумот беради.
Агар сиз Humo ва Visa пластик карталарини олишингиз ёки муддати ўтган, носоз пластик карталарни алмаштиришингиз керак бўлса, картоматдан фойдаланишингиз мумкин. Янги картангиз атиги бир неча дақиқа ичида тайёр бўлади.
Пластик картани тўлдириш, хориждан пул қабул қилиш ёки юбориш, омонат расмийлаштириш, ҳисоб рақамларни очиш ва тўлдириш ёки кредит расмийлаштириш хизматидан фойдаланиш учун эса Video teller ускунаси ёрдам беради.
Шунингдек, смарт офисга янги 6683 русумли банкомат ўрнатилган. Эътиборлиси, мазкур банкомат ёрдамида пул ечиб олиш учун ёнингизда пластик карта бўлиши шарт эмас. Хизматдан фойдаланиш учун смартфонингиз «Агробанк» мобил иловасига уланган бўлиши керак.
Smart офисда тадбиркорлар учун ҳам қулайликлар яратилган, хусусан, автоматлаштирилган депозит машинаси юридик шахс ва якка тартибдаги тадбиркорларга ҳисоб рақамларига инкассация қилиш, нақд миллий валюта орқали барча турдаги пластик карталарни тўлдириш ва «Агробанк» томонидан расмийлаштирилган кредитга ҳисобланган фоизларни сўндириш имконини беради.
Замонавий smart офисларни ҳар бир вилоят ҳамда туман марказларида қуриш режалаштирилган.
Маълумот учун
«Агробанк» республикамизнинг йирик тижорат банкларидан бири бўлиб, 170 та филиал, 146 та банк хизматлари марказлари, 498 та 24/7 кўринишидаги автоматлашган шохобчалар тармоғига эга.
Реклама ҳуқуқи асосида.
Изоҳ (0)