Қандай маҳсулотлар пиширилгандан сўнг дарҳол истеъмол қилиниши керак?

Ҳамма ҳам озиқ-овқат маҳсулотларини қайта-қайта иситишни ёқтирмайди. «Домашний очаг» нашри қайси маҳсулотларни бир маротаба пишириш ва дарҳол истеъмол қилиш кераклигини маълум қилди.

Селдр

Кўкатлардан селдр пояларида нитратлар бўлиши мумкин, улар қайта қиздирилганда заҳарли бўлади.

Товуқ

Товуқ гўшти соғлом оқсил манбаси ҳисобланади. Аммо музлаткичда бир ёки икки кун тургандан сўнг товуқ гўшти овқат ҳазм қилиш муаммоларини келтириб чиқарадиган бактериялар учун кўпайиш жойига айланади. Салат ёки сендвичлар учун пиширилганига 24 соатдан кўп бўлмаган товуқ гўштидан фойдаланиш тавсия этилади.

Исмалоқ

Исмалоқ ҳам бошқа баргли кўкатлар каби нитратлар тўплайди. Қайта қиздирилганда улар нитритлар ва бошқа кансероген бирикмаларга айланади.

Тухум

Севимли нонушта таомлари узоқ муддатли сақлаш ва иккиламчи иссиқлик билан ишлов бериш учун мўлжалланмаган. Агар тухум юқори ҳароратда қайта иситилса, овқат ҳазм қилиш тизимининг жиддий таъсир қилиши мумкин.

Қўзиқорин

Ушбу маҳсулот ҳам пиширилгандан кейин дарҳол истеъмол қилиниши керак. Қўзиқоринларда юқори ҳароратнинг такрорий таъсирига тоқат қилмайдиган мураккаб оқсиллар мавжуд.

Гуруч

Буюк Британиянинг озиқ-овқат стандартлари агентлиги маълумотларига кўра, пиширилган гуруч узоқ вақт давомида музлаткичда сақланмаслиги керак. Чунки бу маҳсулот патоген бактериялар споралари кўпайиш жойига айланади. Қайта қиздирилганда улар ўлмайди ва озиқ-овқат заҳарланишига олиб келиши мумкин.

Шолғом

Албатта, шолғомли таомлар жуда машҳур. Бу сабзавотни шўрва ва егуликлар таркибида топиш мумкин. Аммо илдиз экинларида нитратларнинг юқори миқдори туфайли шолғомни ҳам сақлаш ва доимий равишда иситиш тавсия этилмайди.

Ёғ

Айрим ўсимлик ёғлари қайта қиздирилганда хиралашади. Бу зайтун, зиғир ёғи, шунингдек, бодом ёғи каби ўзига хос маҳсулотларга тегишли. Агар таомга улардан қўшиш керак бўлса, уларни тайёр бўлишдан аввал қўшиш мумкин.

Лавлаги

Лавлаги шолғом каби азотли бирикмаларни ўзида тўплайди, улар юқори ҳароратда жуда заҳарли бўлади. Қайнатилган лавлаги одатда совуқ ҳолда истеъмол қилинади.

Картошка

Деярли барча мамлакатларда машҳур бўлган картошка пиширилгандан сўнг дарҳол истеъмол қилинадиган маҳсулотдир. Биринчидан, хона ҳароратида сақланган картошка тезда озуқавий хусусиятларини йўқотади. Иккинчидан, у ошқозон бузилишига олиб келиши мумкин.