Январь—апрель ойларида Ўзбекистонда хорижий капитал иштирокида 798 та янги корхоналар ташкил этилди. Бу Давлат статистика қўмитаси ҳисоботида қайд этилган.
210 та компания билан Россия биринчи, Туркия иккинчи (128), Хитой учинчи (74) ўринни эгаллади.
Россия иштирокидаги янги компаниялар сони февралдан кейин ошди (январда 23 та, февралда 28 та, мартда 56 та, апрелда 103 та компания ташкил этилди). Ўтган йилларда бундай ўсиш кузатилмаган эди.
Бу Украинада уруш бошлангандан кейин кўплаб россиялик тадбиркорлар Россияни тарк этиш, ўз бизнесларини бошқа давлатларга кўчиришга қарор қилганликлари билан изоҳланади.
Турк, хитойлик ва бошқа тадбиркорлар томонидан Ўзбекистонда компаниялар очиш суръати ўзгармаган.
Аввалроқ россияликлар қандай қилиб ва нима учун Ўзбекистонга кўчиб ўтгани ҳақида хабар берилган эди.
Изоҳ (0)