Америка технология гигантлари Фед фоиз ставкаларини оширгандан сўнг савдоларда бозор капиталлашуви 1 трлн доллардан кўпроқни йўқотди. Бу ҳақда Forbes хабар бермоқда.
Америка технология гигантлари 5-, 6-, 9 майдаги сўнгги уч савдо кунида 1 триллион доллардан ортиқ бозор қийматини йўқотди. Бу савдо Федерал резерв 4 май куни фоиз ставкаларини ярим фоиз пунктга оширишга қарор қилганидан сўнг бошланган.
Дунёнинг энг қиммат компанияси Apple 4 май, чоршанба куни савдолар ёпилганидан бери 220 млрд доллар йўқотди.
Шундан сўнг, Фед раиси Жером Пауелл инфляция жуда юқори эканлигини, аммо ставкаларни ошириш режалари ярим фоиз пункти билан чекланишини айтди. Қимматли қоғозлар бозоридаги сотувда Американинг Big Теч компаниялари энг кўп зарар кўрди.
Шундай қилиб, Microsoft 189 млрд долларга яқин бозор қийматини йўқотди.Tesla’нинг йўқотишлари тахминан 199 млрд долларни ташкил этди.Amazon’нинг бозор капиталлашуви 173 млрд долларга тушди.Google’нинг бош компанияси капиталлашуви Alphabet бир ҳафта аввалгидан 123 млрд долларга кам.Видеокарта ишлаб чиқарувчи Nvidia тахминан 85 миллиард доллар, Мета 70 млрд доллар йўқотди.
Эндиликда инвесторлар ўз эътиборини хавфсизроқ инвестиция вариантларига қаратмоқда, масалан, Campbell Соуп (консерваланган шўрва ишлаб чиқарувчи), Генерал Миллс (дунёдаги энг йирик озиқ-овқат ишлаб чиқарувчилардан бири) ва Ж.М. Смуcкер (АҚШ ва Канадада озиқ-овқат маҳсулотларини ишлаб чиқариш ва сотиш).
АҚШ фонд бозоридаги акциялар пайшанба куни тушиб кетди ва 6-9 май кунлари ҳам пасайишда давом этди. S&P 500 кўрсаткичлари 9 майда 7 фоизга пасайди. Инвесcо Nasdaq 100 ЭТФ худди шу даврда деярли 10 фоизга пасайган.
Аввалроқ Фед сиёсатчилари қисқа муддатли фоиз ставкаларини ярим фоиз пунктга оширишга қарор қилишгани ҳақида хабар берилган эди.
Изоҳ (0)