Москвада Бухорога учаётган самолёт фавқулодда қўндирилди

Россия «Азимут» авиакомпаниясининг 7 май куни Москвадан Бухорога учган А49063 рейси техник сабабларга кўра Внуково аэропортига қўнишга мажбур бўлди.

Авиация хизматидагиларнинг «ТАСС»га билдиришича, самолёт шассиси ёпилмай қолгани ҳақида датчикдан сигнал келиб тушган. Самолёт ёнгилғи кетқазиб, аэропортга қўна олмай, қарийб икки соат ҳавода айланиб турган. 100 нафар йўловчи бўлган самолёт иккинчи уринишдан сўнггина Внукова аэропортига муваффақиятли қўнган.

Flightradar маълумотларига кўра, Sukhoi Superjet 100 самолётида амалга оширилган ушбу рейс Москва вақти билан соат 20:00 да учган бўлиб, 22:21 да аэропортга қўнолган. Умумий ҳисобда у 2 665 километр босиб ўтган.

Йўловчилар авиакомпаниянинг заҳира самолёти билан Бухорога етказилган.