«Аэрофлот» Москвадан Тошкентга мунтазам парвозларни тиклади

«Аэрофлот» Москвадан Тошкентга тўғридан-тўғри рейсларни тиклади. Бу ҳақда компания баёнотида маълум қилинган.

Кунлик рейслар кенг фузеляжли Airbus А330 самолётларида амалга оширилади, чунки Европа Иттифоқи уларни ижарага олиш учун санкцияларни юмшатган.

Парвозлар 20 майдан бошланади ва ҳар куни амалга оширилади.

Май ойининг охири учун Тошкентдан учиш учун чипталар нархи 14 минг рублдан (2,34 млн сўм), Москвадан – 10 300 рублдан (1,72 млн сўм) туради.

«Аэрофлот»нинг Москвадан тўғридан-тўғри рейслари йўлга қўйилиши муносабати билан 21 майдан бошлаб «Россия» авиакомпанияси томонидан Сочидан Тошкентга парвозлар бекор қилинади. Йўловчилар Москвадан рейсларга қайта брон қилинади.

«Россия» март ойи охирида Сочидан Тошкент ва бошқа шаҳарларга парвозлар бошланганини эълон қилган эди – улар Россияда ишлаб чиқарилган ССЖ 100 самолётларида амалга оширилган.

Яқинда бу авиакомпания Москвадан Самарқанд, Бухоро ва Урганчга тўғридан-тўғри рейсларни йўлга қўйган эди.

Аввалроқ Термиздан Санкт-Петербургга мунтазам авиақатновлар тикланиши ҳақида хабар берилган эди.