Тошкентдаги Чорсу бозорида амалга оширилаётган қурилиш ишлари натижасида учта гумбаздан бири бузиб ташланиши мумкин. Бу ҳақда Instagram’даги Tashkent Modernism канали хабар берди.
Маълум қилинишича, бозор ҳудудида бунёд этиладиган Chorsu Gold Center лойиҳасида учинчи гумбазни сақлаб қолиш кўзда тутилмаган.
Бозордаги қурувчилар ушбу маълумотни «Anhor.uz» нашрига тасдиқлаган бўлиб, улар макет бўйича қурилиш ишларини олиб бораётганликларини маълум қилган. Ўз навбатида макетда учинчи гумбаз кўрсатилмаган.
Эслатиб ўтамиз, февраль ўрталарида Тошкент шаҳридаги «Коинот» (Космонавтлар) мажмуасида Владимир Жанибеков ҳайкали атрофидаги гранит плиталар кўчириб ташлангани ҳақида хабар тарқалганди. Шундан сўнг Маданий мерос агентлиги ҳудуднинг демонтаж ишлари рухсатсиз бошланганини аниқлаган эди. Агентлик томонидан майдонни реконструкция қилаётган Mimar Group компанияси огоҳлантирилди ва жараён тўхтатилди. 15 февраль куни эса Космонавтлар майдонини ободонлаштириш лойиҳаси илмий-эксперт кенгашида маъқулланганди.
Мавзуга доир:
- Ўзбекистонда моддий маданий мерос объектларига зарар етказганлик учун жавобгарлик кучайтирилди
- «Ҳамма нарса жойида турибди». Ичан-қалъада сохталиги айтилган 101 та экспонат ҳақида (видео)
- Ситораи Моҳи Хосса мажмуаси ҳолати юзасидан қўзғатилган жиноят иши ҳужжатлари судга юборилган — Маданий мерос агентлиги
Изоҳ (0)