2022 йил март ойида АҚШда бирйўла иккита рекорд ўрнатилди — ишдан бўшаган ходимлар ва янги очилган иш ўринлари сони кескин ортиб кетди. Бу ҳақда АҚШ меҳнат бозори статистикаси бюроси маълумот берган.
Бюро маълумотларига кўра, иш берувчилар мамлакат миқёсида 11,5 миллион янги вакансиялар ҳақида эълон берган ва бу статистика юритилиб келинаётган давр мобайнида кузатилган энг юқори кўрсаткич. Мазкур йўналиш статистикаси 2000 йил декабрь ойидан бери юритиб келинади. АҚШда ҳар бир ишсизга ўртача иккитадан бўш иш ўрни тўғри келади. Март ойида 4,5 миллион нафар одам ишга ёлланган, февраль ойидаги статистика ҳам деярли шу рақамларни кўрсатган.
Март ойи якунлари бўйича 6,7 миллион ходим ишдан бўшаган, бу февралдаги рақамлардан 400 мингтага кўп. Шундан 4,5 миллион америкалик ишчи ўз хоҳишига кўра бўшаган. Бу мамлакатда каттароқ маош олиш умидидаги ва бунга ишончи кучли номзодлар рекорд даражада кўпайганини англатади.Мавзуга доир: Жо Байден даврида АҚШ иқтисодиётида нималар юз бермоқда?
Изоҳ (0)