Эрталаб оч қоринга кефирли гречка истеъмол қилиш қанчалик фойдали?

Кефирли гречка организмни токсинлардан тозалайди, овқат ҳазм қилиш ва метаболизмни яхшилайди, шунингдек, озишнинг оддий, аммо жуда самарали усули ҳисобланади.

Эрталаб кефирли гречка ейиш қанчалик фойдали?

Гречка ёрмаси ўсимлик оқсили ва соғлом углеводлар манбайи бўлиб, узоқ вақт тўйинганлик ҳисси ва энергия беради. Бундан ташқари, гречкада инсон саломатлиги учун кўплаб микроэлементлар ва витаминлар мавжуд:

• калий,
• темир,
• фосфор,
• йод,
• фолий кислотаси,
• ниоцин,
• B витаминлар гуруҳи,
• витамин RR.

Шунингдек, гречка антиоксидантларнинг кучли манбайи ҳисобланади — таркибида ҳужайралар қаришини секинлаштирадиган моддалар борлиги илмий асосланган ва исботланган.

Дағал клетчаткага бой хом донлар овқат ҳазм қилишни яхшилайди ва қондаги қанд миқдорини пасайтиради. Гипертензия, атеросклероз, тромбоз, ревматизм ва диабет каби касалликларнинг олдини олиш учун шифокорлар гречкани кундалик рационга киритишни тавсия қилади.

Кефирда ҳам овқат ҳазм қилиш трактининг фаолиятини яхшилайдиган муҳим аминокислоталар ва бифидобактериялар мавжуд. Иккала маҳсулот ҳам бир-бирини мукаммал равишда тўлдиради, танани барча керакли озиқ моддалар билан таъминлайди.

Эрталаб оч қоринга кефирли гречка ёрмаси танани тозалашга, тўпланган токсинлардан халос бўлишга, қондаги қанд миқдорини нормаллаштиришга ёрдам беради.

Гречка қўшилган сутли шўрва

• сут -1 литр
• гречка - 0,5 стакан;
• шакар - 1,5 ош қошиқ;
• туз - бир чимдим;
• сариёғ - 25 г.

Сутни қайнай деганда олдиндан ювилган гречкани солинг. Газни пасайтиринг, вақти-вақти билан аралаштириб, 15 дақиқа пиширинг. Туз ва шакар қўшгандан сўнг, аралаштириб яна 5 дақиқа пиширинг. Сариёғ қўшишни унутманг.

Гречка-гуручли бўтқа

• гречка - 100 г;
• гуруч - 100 г;
• туз;
• ўсимлик ёғи - 1 ош қошиқ;
• сув - 2,5 стакан.

Қайнаган сувга гречка ва гуручни солинг. Қайнаб чиқиши билан туз ва ўсимлик мойи қўшинг (сариёғ ҳам мумкин). Сув деярли буғланиб кетгунча 15 дақиқа қайнатинг. Пишгандан сўнг қозонни газдан олиб, қопқоғи ёпилади. 10 дақиқага сочиқ билан ўралади. Кейин сариёғ солиб дастурхонга тортиш мумкин.

Қайнатилмайдиган гречка

• гречка (майдаланган) - 1 стакан;
• сув (қайноқ сув) - 500 мл;
• сариёғ,
• туз.

Гречкани совуқ сувда ювиб, 500 мл қайноқ сув қуйинг. Идишни қопқоқ билан ёпиб, сочиқ билан ўранг. Бир ярим соат ўтгач, гречка сувни ўзлаштиради ва тайёр бўлади. Агар ҳали ҳам озгина сув бўлса, уни тўкиб ташлаш мумкин. Таъбга туз ва сариёғ қўшишни унутманг.

Кефирли гречка

1. 2 ош қошиқ гречка ёрмасини совуқ сувда ювиб, сўнгра қайноқ сув қуйинг.
2. Сувни шимиб олгач, гречкани идишга солинг ва 200 мл кефир қуйинг ва музлатгичда бир кечага қолдиринг.
3. Эрталаб кефирли гречка истеъмолга тайёр бўлади. Уни эрталаб оч қоринга, нонушта ўрнига ейиш лозим.

Туз, шакар, сариёғ қўшманг!

Агар мақсадингиз вазн йўқотиш бўлса, кефирли гречкани бир-икки ҳафта давомида истеъмол қилиш керак. Кундалик калорияни ҳам кузатиб боринг: агар бошқа овқатлар калорияси жуда юқори бўлмаса, тез орада ижобий натижани сезасиз.