Тошкент шаҳрининг Олмазор туманида жойлашган «Ғалаба боғи» ёдгорлик мажмуасига кириш вақтинчалик тўхтатилгани тўғрисида хабар берилганди. Мудофаа вазирлиги матбуот хизматининг маълум қилишича, 25 апрелдан мажмуа ташриф буюрувчилар учун яна очилган.
«Олмазор туманида жойлашган ‘Ғалаба боғи’ ёдгорлик мажмуаси ва унинг таркибидаги ‘Шон-шараф’ давлат музейида таъмирлаш ва ободонлаштириш ишлари ниҳоясига етгани муносабати билан мажмуа 25 апрель кунидан бошлаб ташриф буюрувчилар учун яна очилди», — дейилади хабарда.
Эслатиб ўтамиз, президент Шавкат Мирзиёев 2019 йил 25 июнь куни Олмазор туманида бўлиб, ушбу ҳудудда «Ғалаба боғи» қурилиши бўйича топшириқлар берган, мазкур топшириқ асосида боғ концепцияси ишлаб чиқилганди.Вазирлар Маҳкамасининг «Ғалаба боғи мажмуаси фаолиятини ташкил этиш чора-тадбирлари тўғрисида»ги қарори лойиҳасига кўра, Тошкент шаҳри Олмазор туманида барпо этилган Иккинчи жаҳон уруши даврига оид «Ғалаба боғи» мажмуаси оператив бошқарув ҳуқуқи асосида Ўзбекистон Мудофаа вазирлиги тасарруфига берилади. Боғ таркибида «Шон-шараф» музейи ҳам фаолият юритади. Шавкат Мирзиёев 2020 йил май ойида «Шон-шараф» музейини бориб кўрган эди.
Изоҳ (0)