Ўзбекистонда Рамазон ҳайити байрами муносабати билан ички саёҳатга катта чегирмалар эълон қилинди. Бу ҳақда Туризм ва маданий мерос вазирлиги хабар берди.
Хусусан, Uzbekistan Airways АЖ томонидан байрам муносабати билан 2022 йил 2 майдан 4 майгача амалга ошириладиган маҳаллий авиақатновларнинг барча тарифларига 50 фоиз чегирма жорий қилинган.
«Ўзбекистон темир йўллари» АЖ томонидан эса Рамазон ҳайити байрами арафасида йўловчиларга янада кўпроқ қулайлик яратиш мақсадида 3-, 4-, 5 май кунлари Самарқанд—Тошкент—Самарқанд йўналишида 767/768-сонли юқори тезликда ҳаракатланувчи «Афросиёб» поездининг қўшимча қатнови йўлга қўйилади.
«Вақф» хайрия жамоат фонди тасарруфидаги пуллик кириш чипталари жорий қилинган маданий мерос объектларида (зиёратгоҳ ва қадамжолар) 30 апрель—1-, 2-, 3-, 4 май саналарида Ўзбекистон фуқаролари учун кириш чипталар нархига катталар учун 20 фоиз ҳамда ёшлар учун 50 фоиз чегирмалар жорий қилинди.
Шу билан бирга, республика бўйлаб жойлашган музейлар, меҳмонхоналар, овқатланиш шохобчалари томонидан ихтиёрий чегирмалар тақдим этилмоқда.
- Республика кесимида овқатланиш;
- Республика кесимида жойлаштириш воситалари;
- Республика кесимида тадбиркорлик;
- Музейлар.
Изоҳ (0)