Ўзбекистон ва Россия самолёт ишлаб чиқаришни йўлга қўйишни муҳокама қиляпти

Ўзбекистон ва Россия самолёт ишлаб чиқаришни йўлга қўйиш бўйича муҳокама олиб бормоқда. Россия саноат ва савдо вазири ўринбосари Олег Бочаровга кўра, сўнгги йилларда Россия ўзининг асосан йўловчи самолётларини ишлаб чиқаришга катта эҳтиёж сезмоқда.

Бу жараённи соддалаштириш ва кенгайтириш учун Россия Совет давридан бери самолётлар ишлаб чиқариш инфратузилмаси сақланиб қолган Ўзбекистон ёрдамида йўловчи лайнерларини ишлаб чиқариш ниятида, — деди Россия саноат ва савдо вазири ўринбосари Олег Бочаров.

Унга кўра, Тошкентга россиялик самолёцозлик мутахассислари келиши, лойиҳавий муҳандислик ечимлари уйғунлаштирилиши зарур. Тошкентда қолган барча ишлаб чиқариш қувватини қайта йўлга қўйиш ва жонлантириш керак.

Ўзбекистонга Совет самолёт ишлаб чиқарувчилари хотираси хиёбонини сақлаб қолгани, самолёцозлик майдонларини модернизация қилгани учун ташаккур. Булар ҳаммаси ҳамкорлик учун яхши асос бўлиши мумкин, — дейди у.

Бир неча йил аввал Шавкат Мирзиёев томонидан авиация техникасини йиғишни қайта йўлга қўйиш режалари билдирилган эди.

Аввалроқ Туркия Россия учун иккита махсус авиакомпания ташкил қилгани ҳақида хабар берилган.