Юмшоқ мебель ва гиламларни тозалашда қўл келадиган тавсиялар (фото)

Албатта, уйни гилам, диван ва креслосиз тасаввур қилиб бўлмайди. Лекин баъзида маълум сабабларга кўра, гоҳида қандайдир мистик тарзда пайдо бўладиган доғларни кўриш мумкин. «Домашний очаг» нашри улардаги доғларни бартараф этиш бўйича бир нечта тавсиялар билан бўлишди.

Мебельдан доғларни қандай олиб ташлаш мумкин: умумий қоидалар

Матоларни тозалашдан олдин, матони парвариш қилиш бўйича тавсияларни текшириш ва тозалайдиган воситани кўринмайдиган жойда синаб кўриш лозим.

Эсингизда бўлсин, доғ қанчалик катта бўлса, ундан қутилиш шунчалик қийин бўлади, шунингдек, тозалашни кейинга қолдирмаслик керак.

Мебель чангини тез-тез тозалаш тавсия этилади. Буни алоҳида чўтка ёки чангютгич ёрдамида амалга ошириш мумкин.

Сув билан эҳтиёт бўлиш лозим. Уни гилам ёки пол қопламаларини тозалаш учун ишлатганда, ҳар доим тозалайдиган матони яхшилаб сиқиб кўриш жуда муҳим.

Гиламлар

Дазмол билан доғларни олиб ташлаш учун керак бўлади:

• дазмол;
• ¼ стакан сирка;
• ¾ стакан сув;
• бир неча томчи идишларни ювиш воситаси.
• ёки (жуда ифлос гиламлар учун):
• ½ стакан аммиак;
• ½ стакан сув.

Маҳсулот тоза матога қўлланади. У доғнинг устига ёпилади ва буғ функциясидан фойдаланиб дазмол босилади. Доғ латтага ўтади. Доғ тўлиқ йўқолгунча процедура бир неча марта такрорланади.

Қуруқ тозалаш

Гиламга истеъмол содаси ёки жўхори крахмали сепилади ва бир неча соатга қолдирилади. Агар мумкин бўлса дафна барглари, майдаланган долчин қўшиш мумкин, бу ёқимли ҳид беради.

Шампунь ёрдамида тозалаш

Керак бўлади:

• 2 литр иссиқ сув;
• ¼ стакан водород перикс;
• 1-2 ош қошиқ сирка қошиқлари;
• 2 та идиш ювиш учун суюқлик.

Хоҳишга кўра, бир неча томчи лаванта ёки лимон эфир мойини қўшиш мумкин.

Барча маҳсулотлар аралаштирилади ва мебелдаги ёғли доғлар ҳосил бўлган маҳсулотга ботирилган мато билан артиб олинади.

Диван ва креслолар қопламаси: юмшоқ мебелдаги доғлар

Керак бўлади:

• идишларни ювиш учун суюқлик;
• илиқ сув.

Иссиқ сувга озгина идишларни ювиш воситаси қўшилади ва кўпик ҳосил бўлгунча аралаштирилади. Доғлар учун кўпик чўкмагунча фойдаланиш керак.

Мева ва шарбати доғларни олиб ташлаш

Керак бўлади:

• 1 ош қошиқ сирка;
• 2/3 чашка спирт.

Икки суюқлик аралаштирилади ва доғ устига сепилиб, мато билан артиб олинади

Диван ва креслоларнинг чарм қопламалари

Керак бўлади:

• ½ стакан сирка;
• ¼ стакан зайтун мойи;
• ҳар қандай эфир мойининг бир неча томчиси (масалан, ваниль ёки эвкалипт ёғи).

Маҳсулотлар аралаштирилади ва шиша идишга қуйиб, яхшилаб силкитилади. Мебельга сепилиб, тоза мато билан артиб олинади. Ёдда тутинг, бу усул замш учун мос эмас.

Мебельдаги оқ доғлар

Керак бўлади:

• тиш пастаси;
• сув;
• истеъмол содаси.

Доғга бир томчи тиш пастаси қўлланади ва нам мато билан артиб олинади. Шундан сўнг қуритилади.