Лос-Анжелес шаҳри яқинида Мадоннага тегишли ҳашаматли уй сотувга қўйилди. Кошона 1244 метр квадратли улкан ер майдонидан ташқари, очиқ баскетбол майдончаси ва шахсий фитнес-клубга, шунингдек, поп-қўшиқчи ўзининг бешта автомобилини сақлайдиган ўзига хос гаражга эга. Мазкур турар жой комплекси 25,995 миллион долларга баҳоланмоқда, деб хабар беради Motor.
Сотувга қўйилган уйнинг биринчи эгаси америкалик ҳип-ҳоп қўшиқчи The Weekend бўлган. Унинг буюртмасига кўра дизайнерлар эксклюзив гаражни лойиҳалаштирган бўлиб, у бир вақтнинг ўзида бешта автомобиль учун кўргазма майдончаси вазифасини бажаради. Бино шиша полли ёритгичлар билан жиҳозлангани сабаб уни исталган рангга киритиш мумкин. Бундан ташқари, ҳар бир транспорт воситаси учун алоҳида шаффоф дарвозалар назарда тутилган.
Кошона ҳудудида 9 та ётоқхона, 11 та ювиниш хонаси, шунингдек, бар, фитнес-марказ ва кинотеатрга эга учта уй жойлашган. Шу билан бирга, Мадонна ихтиёрида шахсий вино омбори, баскетбол майдончаси ва яна битта очиқ автотураргоҳ мавжуд.
Америкалик хонанда қўшимча турар жой комплексини бир йиллар олдин 19,3 миллион долларга сотиб олганди. Эндиликда эса Мадонна кошонани қарийб 26 миллион долларга сотиш ниятида.
Аввалроқ Нью-Йоркда Бритни Спирс яшаган пентхаус 7 миллион долларга сотувга қўйилганди.
Изоҳ (0)