Россия президенти Владимир Путин давлат думаси ва Федерация кенгашидаги маслаҳат органи ҳисобланган, икки палата спикерлари, уларнинг ўринбосарлари, давлат думаси ҳамда Федерация кенгаши қўмиталари раҳбарлари, ҳудудлардаги қонунчилик органларининг спикерлари иштирокидаги йиғилишда нутқ сўзлади. Meduza Путиннинг ушбу йиғилишдаги нутқининг қисқа шаклини тақдим этди.
Украинада содир бўлаётган ишларга аралашган ва стратегик жиҳатдан таҳдидлар қилганларга аёвсиз жавоб берилади. Бунинг учун ҳеч ким мақтана олмайдиган ускуналарга эгамиз. Биз ҳам мақтанмаймиз. Керак бўлса, улардан фойдаланамиз. Бу борада барча қарорлар қабул қилинган. Мамлакатимизга дўст бўлмаганлар йилдан йилга Украинани Россияга қарши қайраб, янги геосиёсий қурол ишлаб чиқишга уринди. Украинани Россия билан тўғридан-тўғри тўқнашувга ундади, улар ҳатто Қрим ва Донбассга ҳужум режаларини ҳам тузганди. Янги санкциялар чекловлари орқали Россияга қарши иқтисодий урушга тайёргарлик кўрилди. Аммо иқтисодий бўғиш режалари амалга ошмади. Россиялик ҳарбийлар ватанимиз олдидаги реал хавфнинг олдини олишди. Сўнгги кунлардаги воқеа-ҳодисалар, хусусан, Киев ҳукуматининг ядро қуроли юзасидан эътирозлари, Украина ҳудудида Ғарбнинг биологик лабораториялари ташкил қилинаётгани, мамлакатга энг замонавий қурол-яроғлар етказиб берилаётгани, бизнинг ушбу ҳаракатларга нисбатан реакциямиз тўғри ва ўз вақтида берилганини тасдиқлайди. Қрим, Россия, ДХР ва ЛХР аҳолисининг хавфсизлигини кафолатлаш учун қилинган тарихий махсус ҳарбий операциянинг барча мақсадлари тўлиқ амалга оширилди.Владимир Путин
Мавзуга доир:
- Путин БМТ бош котиби билан ҳам 4 метрлик стол атрофида музокара ўтказди (фото)
- Россия Давлат думаси спикери Украинани «террорчи давлат» сифатида тан олиш таклифини берди
- Сергей Лавров ядровий уруш хавфи мавжудлигини маълум қилди
- ФТ: Путин Киев билан тинчлик шартномаси тузишга қизиқишини йўқотган, энди у Украинанинг имкон қадар кўпроқ ҳудудини эгалламоқчи
Изоҳ (0)