Шавкат Мирзиёев Қашқадарёда Абдулла Орипов номи билан боғлиқ танлов уюштириш кераклигини айтди. Бу ҳақда Шавкат Мирзиёев Қарши шаҳрида бўлиб ўтаётган халқ депутатлари вилоят кенгашининг навбатдан ташқари сессиясида таъкидлади, деб хабар бермоқда «Дарё» мухбири.
Давлат раҳбарига сессия давомида Косон тумани фаоллари томонидан Абдулла Орипов номи билан боғлиқ танлов уюштириш таклифи билдирилди. Шавкат Мирзиёев бу таклиф ўзига маъқул келганини, шунингдек, бу танловни аввал Қашқадарёда, кейин бутун республика бўйича намуна қилишни таъкидлади.
«Шу билан бирга, алоҳида топшириғим ҳам бор. Киночиларимиз Абдулла Орипов ҳаёти ва ижодига оид алоҳида бир фильм ишласин. Абдулла Орипов ҳақида кино ишласак арзийди, албатта! Мен у инсонни яхши танирдим, кўп ҳамсуҳбат бўлганман. Битта шеър ёзиш учун ўнта китоб ўқирдилар», — дейди президент.
Давлат раҳбари Абдулла Ориповнинг «Колумбда бор аламим маним, Ўзбекистон — Ватаним маним!» деган сатрини эслаб ўтди.
«Фильм самимий бўлсин. Абдулла аканинг Тошкентга боргани, қийинчиликлар кўргани, шунга қарамай, ижодидан чекинмагани кўрсатиб берилиши керак», — деди президент.
Шавкат Мирзиёев мутасаддиларга бир йилгача муддатда шу фильмни ишлаб, тақдим қилиш зарурлигини айтди.
Мавзуга доир:
- «2022 йилда Қашқадарёда ижтимоий соҳа ва инфратузилма билан боғлиқ муаммоларни ҳал этиш учун 360 миллиард сўм ажратилади» — президент
- «Қашқадарёда ижтимоий соҳа ва инфратузилмани яхшилаш бўйича Очилбой Раматов бошчилигида алоҳида ишчи гуруҳ тузилади» — Шавкат Мирзиёев
- Шаҳрисабз ва Қамаши туманларидаги тоғолди ва тоғли туризм ҳудудларининг инфратузилмасини яхшилаш учун бюджетдан 100 миллиард сўм ажратилади
- Қашқадарё аҳолисига 730 млрд сўмлик имтиёзли ипотека кредитлари ҳамда эҳтиёжманд оилаларга 72 млрд сўм субсидия ажратилади
Изоҳ (0)