Президент Шавкат Мирзиёев ҳудудлар иқтисодиёти, аҳоли турмуш шароитлари билан танишиш мақсадида Қашқадарё вилоятига жўнаб кетди. Бу ҳақда давлат раҳбарининг матбуот хизмати хабар берди.
«Ташриф дастури жуда кенг. Давлат раҳбари бугуннинг ўзида кластер ва саноат корхоналарида, фермер хўжалиги даласида бўлади, бунёдкорлик ишлари, маҳаллалардаги ўзгаришлар билан танишади. Шунингдек, халқ билан мулоқот, вилоят фаоллари билан учрашув, қишлоқ хўжалиги ва саноат лойиҳалари тақдимоти ҳам режалаштирилган», — дейилади хабарда.
Эслатиб ўтамиз, Шавкат Мирзиёев охирги марта Қашқадарё вилоятига 2021 йилнинг декабрида ташриф буюриб, Ғузордаги Uzbekistan GTL заводини ишга тушириш маросимида иштирок этганди. Давлат раҳбари вилоятга октябрь ойидаги ташрифида эса Қаршидаги Президент мактаби ўқувчилар билан суҳбатлашган эди.
Изоҳ (0)