Россиянинг Caviar заргарлик компанияси Huawei P50 Pro смартфонини «Алёнка» шоколадига айлантирди, деб хабар беради Hi-Tech.Mail.Ru. Янги коллекциядан, шунингдек, «Оқ қуёнча» сутли конфети кўринишидаги қурилма ҳам ўрин олган. Компания моделлар орқали Россиянинг Хитой билан дўстлигига ҳурмат кўрсатишга қарор қилган.
«Оқ қуёнча» сутли конфетлари аллақачон Хитойнинг бутун дунё бўйлаб ташриф қоғозига айланган. Ушбу конфетлар 1943 йилда Шанхайда ўйлаб топилган. Шу билан бирга, хитойликлар ва Caviar мижозлари «Алёнка»нинг Россиянинг энг таниқли маҳсулоти деб атаган. Айнан шу сабабли бу икки дизайн танланган.
«Алёнка» Huawei P50 Pro корпуси шоколад рангли нозик бузоқ терисидан тикилган бўлиб, унга шоколад плиткаси кўриниши берилган ва лазер ёрдамида нашқ туширилган зарбга бардошли титан билан қопланган.
«Оқ қуёнча» Huawei модели эса 22 қиротли яхлит кумушдан ишланган. Металлнинг усти кўзни қамаштирадиган даражада оқ рангда — худди конфет қадоғи каби. Модель қимматбаҳо тошлар билан яхшилаб безатилган: кумуш асосга 90 та лал ва 168 та ёқут ўрнатилган.
Хитой ширинлиги қадоғидаги қаҳрамон — оқ қуёнча смартон орқа қопқоғининг марказий қисмидан ўрин олган.
Алёнка нархи 469 минг рублни (5,8 минг доллар), «Оқ қуёнча» модели эса 699 минг рублни (8,6 минг доллар) ташкил этади.
Caviar компанияси бунга қадар смартфон-танк — iPhone Т-34’ни, Россия президенти Владимир Путиннинг портрети ва имзоси акс эттирилган iPhone 6s’ни, АҚШ президенти Дональд Трамп шарафига тилла iPhone 7 каби ноёб моделларни тақдим этган.
Изоҳ (0)