Ўзгидромет» 16—17 апрель кунлари учун об-ҳаво прогнозини эълон қилди.
Унга кўра, дам олиш кунлари ҳудудларнинг катта қисмида ёғингарчиликсиз об-ҳаво сақланиб туради, фақат Қорақалпоғистонда, Хоразм вилоятида ҳаво булутли бўлади, баъзи жойларда қисқа муддатли ёмғир ёғади, момақалдироқ бўлиши мумкин.
Чўл ҳудудларда ва шимолда баъзи жойларда шамол 17-22 метр/секундгача кучаяди, айрим жойларда чанг-тўзон кузатилади.
Ушбу кунларда ҳаво ҳарорати кечалари 14-19 даражани, кундуз кунлари 30-35 даражани ташкил этади. Қайд этилишича, бу меъёрий қийматлардан 6-8 даражага юқоридир.
Изоҳ (0)