Шимолий Кореяда Ким Чен Ин ҳукмронлигининг 10 йиллиги нишонланмоқда. Шу муносабат билан миллий йиғилишда Кимнинг янги портрети тақдим этилди. Мамлакатда бир ҳафта давомида режимнинг кучини намойиш этишга қаратилган қатор тадбирлар ўтказилади.
Корея ишчилар партияси Марказий қўмитасининг Сиёсий бюроси президиуми аъзоси ва Ким давридаги энг юқори лавозимли амалдорлардан бири бўлган Чой Рён Хе йиғилишда сўзлаган нутқида Шимолий Корея раҳбари «ниҳоят мамлакатнинг ядровий энергетика дастурини якунлашдек тарихий мақсадига эришганини» айтди.
Ким 2011 йил декабрь ойида отаси Ким Чен Ир вафот этганидан кейин ҳокимият тепасига келган. 2012 йил 11 апрель куни ёш Ким олий партия ва давлат раҳбари этиб сайланди. Амалда, Шимолий Корея сайловларида ҳар бир бюллетенда фақат битта номзод кўрсатилади, Кимлар оиласи эса бутун тарихи давомида мамлакатни бошқариб келмоқда.
2017 йилда АҚШнинг ўша пайтдаги президенти Дональд Трамп Шимолий Корея етакчисини Rocketman («Ракета одам») деб атаган. У БМТ Бош Ассамблеясидаги нутқида бу лақабни такрорлаган ва кейинчалик ҳам Кимни шундай аташда давом этган.
Кейинроқ Трамп Кимга нима учун бундай лақаб танлаганини изоҳлади: «Мен сизни Rocketman деб атадим, чунки сизни хаёлан худди отда, эгар устида ўтирган ҳолда кўрардим, Япония узра учаётган ракетада ўтирганингизни тасаввур қилардим», — деди у.
Шимолий Корея 2006 йилдан буён олтита ядровий синов ўтказди, улардан тўрттаси Ким Чен Ин даврида амалга оширилди. Корея яриморолидаги кескинлик Шимолий Корея 26 февраль ва 4 март кунлари мамлакатда ишлаб чиқилаётган янги қитъалараро баллистик ракета (ICBM) тизимининг иккита баллистик ракетасини синовдан ўтказгач ҳамда 24 март куни 2017 йилдан буён биринчи марта ИCБМъни тўлиқ синовини ўтказганидан сўнг кескин кучайди.
Изоҳ (0)